Sandali itong natigilan sa pinagtapat niya kaya mas lalo siyang kinabahan. Paano na lang kung magalit ito?
Gano’n na lamang ang kanyang pagkabigla nang imbes na magalit ay humagalpak pa nga ito sa tawa. Humalakhak ito nang humalakhak!
Para kasing hindi ito makapaniwala. Para nga ring batang sinamaan nga niya ng tingin!
Hindi pa rin ito nagpatinag at bagkus ay napahawak pa sa tiyan na tila ba sasakit iyon katatawa nito!
Pinagtatawanan ngang talaga siya!
Ang labas tuloy, imbes na ito ang magalit at ma-disappoint tulad ng inaakala niya’y siya pa itong tila napipikon ngayon dahil sa pagtawa nito!
“Kainis!” aniya saka tinapon dito ang pinakaunang throw pillow na nahagip ng kanyang kamay.
Nasalo naman nito iyon kaya hindi ito tinamaan. Mas lalo lang siyang nainis.
Kalauna’y tumigil din i
