"Bakit? Bakit mo nagawa sa amin 'to? Sa akin? Itinuring kitang tunay na kaibigan! Na parang kapatid ko na rin! Tapos ganito lang pala, Rael? Ganito lang ang igaganti mo?! Tinraydor mo ako, ahas ka!"
Napatili ang lahat lalo na si Gracee sa sobrang gulantang nang walang anu't-ano'y pinatama ni Matteo sa akin ang kamao niya, bagay na ikinasalampak ko sa sahig.
Hindi pa siya nakuntento, buong pagkamuhi niyang hinawakan ang kuwelyo ng damit ko.
"Traydor ka, Rael! Traydor ka! Pinagkatiwalaan kita tapos ganito lang ang igaganti mo! Isa kang malaking traydor!" galit na galit na bulyaw niya sa akin tapos inisahang suntok ulit ako.
"Oh my god! Tama na, kuya Matteo!" ani Gracee na alalang-alala na sa akin at naiiyak na.
Pumagitna siya sa amin para pigilan ang kuya niya sa muling pananakit sa aki
