"Tita, sabi n'yo ho laging ganyan si Therese kapag nalalasing?"
"Oo hijo."
"Pero bakit po kaya?"
"Hindi ko rin alam. Sa tuwing magtatanong ako hindi naman siya sumasagot ng maayos."
"Sigurado ho na may dahilan, Tita."
"Pwede rin naman na dala lang ng kalasingan niya."
Ewan ni Clint pero hindi siya kumbinsido sa sinabi ng ina ni Therese. Alam niya at sigurado siyang may dahilan kung bakit ito nagkakaganito. At iyon ang aalamin niya sa mga susunod na araw.
"Mauuna na po ako, Tita. Para makapagpahinga na rin po kayo."
"Salamat hijo."
"Sure po ba kayo na kaya n'yo mag-isa si Therese?"
"Oo naman, sige na umuwi ka na. Gumagabi na masyado."
"Okay po. Pasensiya na po ulit."
Tumango lamang si Mrs. Valencia.
Nakasakay na siya sa kotse ay hindi pa rin niya magawang paandarin ito.
Naaala
