Napalunok siya dahil sa sinabi nito.
"S-subukan mo ng layasan kita dito!"
"Ows? Gagawin mo talaga 'yon? Para ano? Para usisain ka ng mga nanay natin kung bakit umuwi kang mag-isa at iniwan ako?" lalong pang-a-asar nito.
"Lumabas ka na, please? Gutom na ko."
"O-okay." anito habang nakabungisngis pa.
Nakahinga siya ng maluwag ng maglaho ito sa harapan niya. Hindi niya alam kung lalabas pa para sumama dito sa pagkain pero hindi naman niya kayang tiisin ang kaniyang gutom.
"Therese, ang tagal mo naman yata?" tawag nito mula sa labas.
"A-andiyan na!" tarantang sagot niya.
"Sa'n mo gustong kumain?"
"Kahit saan na lang."
"Sige."
Kinagabihan...
"Hindi ka pa ba magpapahinga?" anito sa kaniya ng puntahan siya nito sa swing na nasa labas ng tintuluyan nila.
"Mauna ka na. Dito muna
