*Christine POV*
"Sigurado ka ba sa gagawin mo? " tanong sa akin ni Haring Avery.
Inalis ko ang mga mata ko sa puting harang na ipinalibot ni Astaroth sa Haemir at binalingan ang Hari ng mga Gnomes. Hindi ko rin maiwasang makaramdam ng guilt sa huling ginawa ko sa kanya ng narito kami ni Kaeden. Alam kong napinsala siya ng todo sa ginawa ko. Mabuti nalang at mas malakas siya kumpara sa mga karaniwang elemental dito sa Chasm. Kaya naman nagawa nyang makaligtas ang atake ko.
Nakita ko rin sa likod niya sila Haring Aviur, Haring Eurus at Reyna Corrine. Balot sila ng baluting pandigma at pare-parehong handa ng makipaglaban. Lahat din sila nakatingin sa akin at waring iniistima ang kakayahan kong sumama sa kanila sa laban.
Pinatatag ko naman ang sarili ko at direktang sinalubong ang mga mata
