"Si Miel, kamusta? Ayos lang ba s'ya? Ligtas ba s'ya?" sunod-sunod na tanong ni Anton sa akin pagkalapit na pagkalapit namin sa kanya.
Kanina pagpasok namin sa presinto na 'to para puntahan s'ya nakita ko agad s'ya mula sa loob ng selda na kinalalagyan niya. Nakatungo ang ulo at parang malalim ang iniisip habang pantay ang mga tuhod na yakap niya sa isang sulok.
Nag-angat lang ang tingin niya ng makarinig nang mga yabag at nang makita kami, ako, ay agad s'yang tumayo at lumapit sa rehas na nagsisilbing harang sa kanila at kumapit doon.
"Ang kapal ng mukha mong tanungin sa akin iyan pagkatapos ng ginawa mo!" nanggigigil na sabi ko sa kanya habang hawak ang damit niya. Hinigit ko iyon para mas lumapat sya sa rehas na bakal. Pasalamat talaga dahil may harang sa pagitan namin dahil kung hi
