Nagising ako sa dating kuwarto ko sa bahay ng magulang ko.
Anong nangyari?? Bakit ako napunta dito?
Ang huling naalala ko ay nagtatalo kami ni Papa. Dahan-dahan akong bumangon at saka naupo lang muna sa kama. Nakiramdam ako sa katawan ko. Maliban sa nanlalata ako ay wala namang masakit sa akin.
Dahan-dahan akong kumilos para bumaba na ng kama pero bago pa sumayad ang paa ko sa sahig ay biglang bumukas ang pintuan.
"Sweetie! Where are you going? Magpahinga ka muna. Hindi ka pwedeng kumilos muna," nag-aalalang sabi ni Judd, na may dalang tray ng tila pagkain.
Naglakad ito papunta sa akin. Ibinaba niya ang hawak na tray sa bedside table at saka ako naupo sa tabi ko. Hahalikan ako dapat nito pero iniiwas ko ang mukha ko. Sariwa pa sa is
