[Judd]
Kasama ko ngayon yung tatlong kaibigan ko - si Klarence, Chad at Adam. Nagkukuwentuhan sila pero ako ay eto at lumilipad ang isip.
Kadarating ko lang sa opisina nang sinalubong ako ni Madison para sabihing dinala na sa hospital si Clover at mukhang manganganak na. Napatulala ako dahil wala namang senyales nung maghiwalay kami nung umalis ako sa bahay kanina na manganganak na siya.
Nang bumalik sa katinuan ang isip ko ay agad-agad akong nagtatakbo pabalik sa kotse ko. Tumuloy na ako sa hospital kung saan siya manganganak. Halos sabay-sabay kaming nagdatingan ng mga magulang namin ni Clover.
Habang nasa delivery room si Clover ay hindi ako mapakali. Naroong lumakad ako, paroon at parito, umupo sa upuan sa tapat ng pinto ng delivery room, ilabas ang cell phone ko mula sa bulsa ko p
