Magandang tanawin ang tumambad sa akin pagdating sa hotel na aming tutuluyan, na siya ring kliyente namin sa Auditing firm.
Napakaganda ng pagkaka-ayos ng pool nila. Bukod sa maraming mabeberdeng halaman at hinaluan ito ng makukulay na ilaw kaya ang ganda ng effect.
Magical!
Iyan ang tamang termino sa nakikita ko ngayon. Kahit papaano ay pansamantala kong nakalimutan ang sama ng loob ko kay Adam.
Hinatid na kami ng hotel staff sa kuwarto namin. Isa itong villa at nakahiwalay sa main hotel.
"Kuya, parang masyado naman yatang maganda itong kuwarto namin," bati ko.
"Ito po ang bilin ng may-ari, Mam. Sige po, iwan ko na kayo..." sabi nito, sabay yukod ng bahagya.
Balita ko ay kaibigan ng isa sa may-ari ng opisina namin ang may-ari nitong hotel na ito. Kaya hindi kami pwedeng mapahiya sa
