"Huhulaan ko, puro alak na naman panigurado ang laman ng tiyan mo,” narinig kong may nagsalita.
Pilit kong idinilat ang isang mata ko. Nakita ko si Gracie na nililigpit iyong mga basyo ng bote ng alak sa lapag.
"Pano ka nakapasok dito?" tanong ko dito.
"Iyon pa rin naman ang pass code mo sa pintuan mo, paaanong hindi ako makakapasok?" sagot nito.
"Iwan mo na ako, Gracie," utos ko dito.
"Paano kita iiwan? Tingnan mo nga itsura mo," sagot niya.
"Ako nang bahala sa sarili ko. Just leave. Baka biglang dumating si Hannah. Abutan ka rito. Ayoko nang magalit pa lalo sa akin si Hannah," sagot ko, habang himas-himas ang ulo ko.
F*cking headache!
Napabuntong-hininga si Gracie.
"Sorry if I caused you trouble. Hindi ko kasi alam na ganun ka ka-seryoso kay Hannah. Akala ko, ganun ka pa rin ka-
