Chapter Sixty-nine
"Teacher, kayo na po ang bahala sa kambal." Bilin ko sa guro na siyang sumalubong sa amin sa gate.
"Opo, mommy. Ako na ang bahala kay Grayce and Lucyna. Tatawagan na lang din po kita kapag uwian na at kung busy ka naman ay ako na ang maghahatid."
"Salamat po, teacher."
"Pasok na po kami." Tumango naman ako. Marami ng sasakyan sa gilid ng daycare center. Mukhang nasa loob na ang mga bisita. Kaya pagpasok ng kambal at ni teacher ay nakisilip ako sa bintana katulad ng mga nanay.
"Hello, Yuna." Bati ni Cristina sa akin.
"Hello po." Tugon ko naman dito.
"Yayamanin iyong bisita natin. Ang dami nilang dala para sa mga bata." Muli akong sumilip. Nang nagsimula ang program ay tinawag ni teacher ang bisita.
"Palakpakan natin si Mrs. Merlene Gladiero." Para akong nanghina.
