Kinabukasan, maagang nagising si Lorrenze pati na rin si George. Kailangan nilang makauwi ng maaga dahil babalik na rin sila ng Manila ng araw ding iyon.
“George, napansing mo bang lumabas si Miss Rivera sa tent niya?”
“Hindi ho sir, eh… Baka tulog pa.”
Napatingin si Lorrenze sa tent ng dalaga. Masama na naman ba ang pakiramdam niya at alas syete na, tulog pa siya? Wala ba siyang alarm? “Tapusin mo na lahat ng ligpitin George, gigisingin ko lang si Miss Rivera,” ani Lorrenze saka tinungo ang tent ng sekretarya.
“Miss Rivera?” tawag niya rito pagkalapit ngunit walang sumagot.
“Miss Rivera, aalis na tayo.” Ngunit wala pa ring sumagot. Biglang kinabahan si Lorrenze. Baka kasi napaano na naman ang dalaga.
“Zyren, diyan ka ba? Bubuksan ko na ito…” sabi niya ngunit walang sagot mula sa dal
