Ilang sandali lang ay nakabalik na ang binata bitbit ang mga sanga ng kahoy na napulot nito sa gilid ng dalampasigan. Inilapag nito at inayos ang kahoy saka naglagay ng mga tuyong dahon na naanod sa tabing dagat at sinindihan. Nang umapoy na, dinagdagan pa nito ang kahoy para mas lumaki ang apoy.
“Ayan na. Okay na,” anito saka naupo sa tabi ng dalaga. Pagkatapos ay kinuha na nito ang gitara saka sinimulang tipain ang string.
Napatingin naman si Zyren rito. Nang makaharap ito sa kanya ay ngumiti ito, yung ngiting aakalain mong may dimples kahit wala naman. She finds it cute. At nang makatipa na ito ng ilang chords ay alam na niya kung ano ang pinapatugtog ng boss niya. Ang tittle ng kantang pinapatugtog nito ay Kiss me by Ed Sheeran. And she happened to be a sucker for Ed Sheeran’s music
