LOVE CONFESSION
CHAPTER 10
LIMANG araw nang hindi nagpapakita kay Celine sina Dana at Shaina. Nawala na rin ang inis niya sa dalawang bruha na nag- organized sa kanyang blind date kuno. Natatawa na lamang si Celine kapag naalala niya ang Roman na kanyang naka- date. At mas lalong natatawa ang dalaga sa isiping parang daga ang kanyang mga kaibigan na nagtago sa kanilang lungga dahil nagalit ang pusa. Naaala niya tuloy ang kanyang paboritong cartoons na napapanood, sina Tom and Jerry. Pero sa totoo, miss na na niya ang dalawang lukaret niyang kaibigan. Lalo na si Dana na may pagkatsismosa pero nasa lugar. Si Shaina naman na may pagkalandi pero hindi niya masisisi, naghahabol na rin kasi ito sa huling biyahe kagaya niya. Pero ewan ba niya, wala siyang balak o ganang makipaghabulan sa sinasa
