“Ano ‘yan, Celestine?” Hindi ko na naitago ang litratong hawak ko nang biglang sumulpot si Brianna sa aking tabi.
“Isn’t it obvious, twin? That’s a picture! Mukha bang pagkain ‘yan?” sagot naman ni Amori. Kahit hindi ko siya lingunin ay alam kong iniikutan na niya ng mata ang kambal.
“Patingin nga!” Si Accalia ang kumuha ng litrato sa kamay ko at hinayaan ko silang tingnan iyon.
Umupo silang tatlo sa harapan ko at pinag-umpukan iyong lumang litrato. Kanina pa ako rito sa Peace Garden nang biglang dumating ang tatlo. Pansamantala ay gusto ko sanang makaramdam muna ng kapayapaan kaya rito ako dumiretso nang makapasok sa university. Punong-puno ang puso ko na pakiramdam ko ay malapit na itong sumabog.
“Sino itong nasa picture?” Hawak ni Accalia ang litrato at munti
