“Ipaliwanag mo nga sa akin kung bakit tayo nandito ngayon?” Walang himig ng pagtitimpi sa boses ni Claire habang nakaupo sa harapan namin.
Kahit ako ay hindi ko rin alam kung paanong nauwing magkakasama kami ngayon sa iisang kwarto. Kanina lang ay halos magbangayan ang mga ito, at noong dumating sa silid ay parang hindi halos magkakakilala. Ngayon ay nandito kami sa loob ng special room ng Imperiali.
“Feel free to leave this room. As if we want you here? Sa kakapalan ng apog mo, hindi mo na maramdamang isinusuka ka namin.” Si Accalia ang sumagot sa kaniya. Hinawakan ko siya sa braso para kumalma. Akala ko ay tatayo pa siya papunta kay Claire, iyon pala ay aayos lang ng upo. Minsan talaga, ako iyong kailangan kumalma.
“That’s enough, Accalia. Hindi ‘yan ang ipinunta nat
