Ang katahimikan at kalituhan sa loob ng silid ay binulabog ng isang mahinang katok. Agad na tumayo si Headmaster Louis para pagbuksan ito. Kami namang natitira sa loob ay hinihintay kung sino ang magpapakita mula sa likod ng pintong iyon.
"Magandang umaga, Madame Lucianna. It was so nice to see you again." Narinig ko ang malugod na pagbati ng headmaster sa bagong dating.
"Ikinagagalak ko ring makita ka, Mr. Louis." I could sense delight from my grandmama's voice. "Pasensya na kung medyo natagalan ang pagdating ko. Mayroon lang akong mahalagang inasikaso."
"Walang problema, madame. Handa naman kaming maghintay sa pagdating mo," sagot naman ng lalaki. "Halina't pumasok po tayo sa loob. Naroroon na rin ang inyong apo."
Narinig ko ang papalapit nilang hakbang. Agad akong tumayo para salub
