Wala na akong ibang pagpipilian. Matatapos ang kaguluhang ito sa araw rin na ito.
Mabilis akong nag-recite ng spell at pinuntirya noon ang kinaroroonan ni Andrius. Agad na binalot ng isang barrier ang lalaking mahal ko ngayon ay wala ng malay.
Kahit ano pa ang mangyari, wala nang mananakit sa ‘yo. Patawad, mahal. Nadadamay ka sa gulo ng pamilya ko. Mahal kita. Mahal na mahal.
Nang makita kong nasa maayos na siyang pwesto at kalagayan ay saka lang ako nakaramdam ng kapayapaan. Huminga ako ng malalim. Naramdaman ko ang pag-angat ko sa ere. Ipinikit ko ang aking mga mata at tuluyang inilabas ang kapangyarihang kanina pa nagpipilit na makawala. Yumanig ang buong lugar na kinaroroonan namin at naramdaman ko ang malakas na pwersang lumabas sa akin.
“W-what was that?
