Luna‘s PoV
Hindi ako nagulat sa sinabing iyon ni Dean sa akin. Nagtataka lang ako dahil mukhang seryoso ito nang sabihin na mahal niya ako.
Imbes na sumagot ay nginitian ko lamang si Dean. “Pasok na tayo sa loob, bossing.” Pag-iiba ko sa usapan namin. Hinila ko ang kamay kong hawak nito. Ngunit binawi niya iyon at saka ako hinila palapit dito.
“Seryoso ako sa sinabi ko, Shyra. Hindi ako nagbibiro. Mahal na kita.”
“Bossing, masiyado ka yatang mabilis. Hindi mo dapat basta-basta na lang sinasabi ang salitang iyan. Kailangan mo munang pag-isipan kung tama ba o mali ang nararamdaman mo. Baka naguguluhan ka lang kaya mo sinabing mahal mo ako.” Umatras ako rito. Hindi ako nito maloloko at hindi na niya ako maiisahan.
“Pakinggan mo naman sana ako, Shyra. Maniwala ka sa akin na mahal na kita
