"Nasaan ba ang mga tao rito? Aba'y bakit ang dilim-dilim ng paligid?" tanong ni Claire na hindi mawari kung bulong ba o sigaw.
Aba'y sino ang hindi maiinis samantalang kapag ganoong oras ay maliwanag na ang kabahayan. Kahit pa sabihing dahil sa ilaw.
"Martin! Martin! Nasaan ba ang lahat ng tao rito? Aba'y lintik na tao eh! Bakit ba ayaw n'yong sumagot? Kapag ako ang tuluyang mainis sa inyo ay talagang malilintikan kayong lahat!"
Kaso dahil wala talaga siyang mahintay na sumagot ay kusa siya na kumilos. Subalit mas tumubo ang galit niya dahil sa sumunod na kalabog.
"Damn you people! Kayo ang may kasalanan kung bakit---"
Ngunit hindi na niya natapos ang pananalita dahil niyakap siya ng taong kahit hindi nakikita ay kilalang-kilala na. Dahil wala namang iba kundi ang mahal niyang asawa.
