"Awat na po, Mommy. Wala akong kaalam-alam na susugod siya rito." Hawak-hawak ang taengang dumikit na yata sa daliri ng ina ay pilit itong pinapatigil ni Stanley.
Aba'y nasa tamang edad na siya pero pinipingot pa rin ng ina. Lintik kasi ang baliw na babae. Hindi man lang inalam kung sino-sino ang mga magulang niya bago gumawa ng tuluyang ikakasira ng kanilang relasyon.
Pero mabuti na rin iyon dahil talagang hindi na siya masaya sa babaeng iyon. Masyadong nagger. Gusto nga nitong hawakan siya sa leeg. Bagay na pinakaaayawan niya.
Kaso!
"Bawas pogi points na po iyan, mother earth. Mas wala kang mamanugangin sa kaniya kapag mawalan siya ng isang taenga. Kaya't patawarin mo po siya," sabad ni Victoria Katherine ngunit adag ding nagtago sa likuran ng ama dahil wari'y lalamunin siya ng inang
