"My love? Mukhang pawis na pawis ka? May problema ka ba?" tanong ni Martin sa asawa.
"Sa katunayan ay hindi ko rin maunawaan ang sarili ko, my love. Ilang araw na naman akong dinadalaw ng mga panaginip na may kinalaman sa ating nakaraang trabaho," tugon nito.
"Actually, kaya kita ginising dahil bukod sa hinahabol mo ang iyong hininga ay nakataas pa ang iyong palad. Subalit nang gigisingin na sana kita ay bumagsak naman," aniyang muli.
Dahil sa pahayag na iyon ng mahal na asawa ay muli siyang natigilan. Kitang-kita niya kung paano niya tinanggap ang nakalahad na palad ng abuelang matagal nang yumao.
'Darling, hindi pa panahon upang magkasama tayong muli. Idilat mo ang iyong mga mata bago pa mahuli ang lahat. Huwag kang mag-alala dahil sigurado akong hindi ka pababayaan ng mga magulang a
