“IT’S been a while.”
Iyon ang bungad kay Dashiel ng taong kaharap. Nasa head office siya ng YZ Holdings sa Maynila. Sinadya niyang doon katagpuin ang bisita.
“I wonder where you have been these past two years, Dash,” dagdag pa ng kaharap at sandaling nilinga ang kabuuan ng opisina niya bago siya muling binistahan. “Ibang-iba ka mula sa una kong nakilala na anak ni Papa. Kumusta ka?”
Banayad na ngiti ang unang tugon ni Dashiel sa pangungumusta ng kaharap. Hindi lingid sa kaniya na ipinahanap ulit siya ni Attorney Matthew Gamboa isang taon pagkatapos nilang magkakilala nito. At tama ang abogado. Dalawang taon na ang lumipas mula nang sagipin niya ito sa tiyak na kamatayan. Ibang-iba pa siya noon. Bagaman miyembro na siya ng Mafia group, isa lamang siya sa mga tagatanggap at tagagawa ng u
