IWINAKSI ni Violet ang mga kamay ni Dashiel na humahawak sa kaniya. Padabog siyang pumasok ng kwarto at tumayo sa may gitna. Hinintay niyang makapasok ang binata. Pagsarado nito ng pinto ay hinarap agad siya.
"What were you doing there?"
Pinagsalubong niya ang mga kilay. Base sa tono ni Dashiel, parang siya ang may pagkakamali. Mukhang ito pa ang kokomprontahin sa kaniya gayong siya ang dapat na kokompronta rito.
"Ano bang nakita mong ginawa ko, Warden? Ipinagmalasakit kita ng meryenda, hindi ba? Hindi mo na nga pinansin ang ginawa kong sandwich!" May hinanakit sa dibdib niya sa huling sinabi.
"For Pete's sake, Bullet, hindi mo trabaho 'yon! At nasaan ang mga bantay mo? Tinakasan mo!"
"Hindi ko sila tinakasan! Sinabi kong sa'yo ako papunta kaya hindi na nila kailangang sumunod!"
