TINULUNGAN ni Violet si Dashiel na maisuot ang polo shirt nito. Ingat na ingat siya sa kilos, nag-aalalang madanggil ang sugat nito sa balikat. Siya na rin ang nagsarado ng mga butones ng polo at pagkatapos ay pinagmasdan ang mukha ng nobyo.
"H'wag ka munang magkikilos. Kapag may kailangan ka sabihin mo na lang sa'kin."
Ngumisi si Dashiel. "Yes, misis."
"Warden, hindi ako nakikipagbiruan. Hindi ko rin ipinagpapasalamat na sa balikat lang ang tama mo dahil ayon sa doktor, fatal din ang mga ganiyan gunshot."
"I'm fine."
"Hindi biro ang ballistic trauma. Mag-ingat ka naman, Warden." Nakikiusap na ang tono niya.
Sumeryoso ito at tumango. "Alright. I'm sorry." Maingat siyang kinabig ni Dashiel at dinala sa dibdib nito upang yakapin. Kahit paano ay nakahinga na rin siya nang maluwag dahil
