Nakangiting nagyakap sina Shane at Shaymay. Walang pagsidlan ng kaligayahan sa kanilang puso. Maging ang kanyang mga kuya ay muli niyang niyakap. Wala na siyang mahihiling pa, tapos na ang lahat ng problema sa Sitio Sinakulo na kanilang pinakamamahal na lugar. Nagwakas na ang kasamaan ng sugo ng demonyong si Ezekiel. Tiningnan niya ang kalansay nito habang mahigpit na yakap ang kanyang mga kapatid. Nararapat lamang na maiwan sa lugar na ito ang buto ng hay*p na Ezekiel na ito.
"Tayo na, bumalik na tayo sa kweba mga kasama. Ibalita natin sa kanila ang tagumpay natin!" masayang pahayag naman ng kanilang pinuno.
"Tama! Tayo na sa kweba, naghihintay na ang ating mga mahal sa buhay doon!" masayang segunda naman ni Jovanni.
Sumang-ayon naman ang lahat kaya naman, nilisan na nila ang lugar
