NANGHIHINA akong napaupo sa aking kama. Base sa notice ay may fifteen days ako para sagutin ang petition ni Matthew. Nullifying the marriage. Ibig sabihin ay gusto niyang palabasin na void ang aming kasal sa simula pa lang. Tiim-bagang kong ibinalik sa envelop ang dokumento bago ko iyon ipinasok sa drawer.
Hindi na naman ako dapat magulat o masaktan sa ginawa ni Matthew. Noong gabi na inihatid niya ako sa bahay ni Tita Donna, alam ko nang sa hiwalayan kami mapupunta. Natagalan lang siguro dahil umalis ako ng Sorsogon. At ngayon na natagpuan na niya ako, ito agad ang pambungad niya sa akin.
Napakawalang-puso. Mahigit dalawang taon kaming hindi nagkita at nang malaman niya kung nasaan ako ay kumilos na agad siya para makalaya sa aming kasal. This was easy for him dahil abogado siya. Alam
