CLASSIC and Modern Superheroes ang tema ng birthday party ni Joshua na gaganapin sa Biyernes. Hindi na kumuha ng event organizer si Sir Nick. Si Mirabelle na secretary na niya mismo ang nag-asikaso ng lahat mula sa venue, invitation, clowns at catering. Pero kaninang umaga bago ako umalis para pumasok sa school ay pinakiusapan ako ni Sir Nick na samahan siya sa pagbili ng ilan pang kakailanganin para sa party.
“May napili ka bang susuotin sa costumes na ipinadala ni Mira sa bahay?” tanong ni Sir Nick. Nasa loob kami ng malaking tindahan ng mga laruan at namimili ng mga karagdagang pang- give away at regalo sa gagawing parlor games.
“M-meron naman po…” simpleng sagot ko. Ayoko nang banggitin na si Wonder Woman ang napili ko. Gusto ko sana ang kay Captain Marvel pero, naunahan na kasi ak
