PAGBALIK sa firm ay inutusan ko ang isa sa mga sekretarya na tawagan ang opisina ni Engr. Dominick Arevalo at alamin ang petsa ng kaarawan ng anak nito. Kahit anong isip kasi ang gawin ko ay hindi ko maalala kung kailan at saan gaganapin ang birthday party ni Joshua. At siguro naman ay alam sa opisina ng amo ni Gigi ang tungkol sa okasyon.
“Nasa office na ba niya si Atty. Zamora?” tanong ko sa ilang staff na nasa kani-kaniyang mga cubicle. May court trial kaninang umaga ang isang kliyente ni Grant kaya hindi kami nagkita bago ako umalis.
“Yes, Attorney. Nakabalik na po siya at hinanap kayo.”
Tumango ako at nagdesisyong puntahan muna sa opisina nito si Grant. Nag-warning knock ako bago binuksan ang pinto at pumasok. Naabutan ko siyang nakatutok ang mga mata sa screen ng laptop at nagsas
