INILAGAY ko sa tray ang inihanda kong meryenda para kina Joshua at Matthew. Nasa verandah ang dalawa at doon naglalaro ng board game na napili ng alaga ko. Nakita kong pumasok si Ate Duday sa kusina at nakangiti nang makahulugan sa akin. Nagtaas ako ng mga kilay sa kaniya.
“Akala ko naman ‘yong batang engineer ang bisita mo. Iba pala. Ang gugwapo ng manliligaw mo, ha, Gigi!”
Namilog ang mga mata ko. “Ate Duday, hindi po! Hindi ko manliligaw si Gio. Kaibigan ko po ‘yon matagal na.”
“E, ‘yong kalaro ni Joshua? H’wag mong sabihing hindi?”
Mariin akong umiling. “Lalo pong hindi, Ate. Kung ano-ano pong iniisip n’yo.”
Nakaalalay ako kay Joshua habang kinakain nito ang isang slice ng chocolate cake na dala ni Matthew. Ipinaghanda ko rin siya ng paborito niyang strawberry juice.
“Just a sma
