HINDI rin ako gaanong nakakain sa party. Sumiksik sa isip ko ang sinabi ni Precious. Pasimple kong kinuha ang cellphone ko. More than three weeks na akong delay. Ayoko mang aminin ay umaasa akong may nabuo nga kami ni Matthew. Dumadagdag pa sa pressure ko ang pamilya niya. Alam kong kahit paano ay tanggap na rin nila ako bilang asawa ni Matthew, pero mas matatanggap pa nila ako kapag nagbuntis na ako sa panganay namin.
“Happy birthday, Attorney. Pagdamutan mo na sana ang regalo namin para sa’yo.”
Isang kilalang negosyante ang bumati sa asawa ko at nag-abot ng isang maliit na kahon. Nang buksan iyon ni Matthew, nakita namin na isa iyong susi ng mamahaling sasakyan base sa tatak.
“Thank you, Mr. Alberto!”
Ilang personalidad pa ang nagpaabot ng pagbati at regalo sa asawa ko. Noon ko na-
