NAGMAMADALI akong lumabas ng restroom at nakita ang ilang taong nagtakbuhan papunta sa kalye. Nakita ko silang nag-umpukan at sumilip sa kotse ni Matthew. Sinalakay ako ng kaba. Nagtatakbo na rin ako palapit.
“M-Matthew…”
Parang wala ako sa sarili habang pinapanood ang mga taong nag-uusisa sa paligid ng sasakyan. Ilang metro na lang ako mula sa kotse ay natanaw ko ang mga basag na salamin ng bintana ng driver’s seat.
Napahinto ako sa paghakbang. Nangatog bigla ang tuhod ko at nabitiwan ang hawak kong test kit.
“M-Matthew…?”
Sa kabila ng panginginig ay sinikap kong humakbang palapit sa kotse. Animo iisang tao na tumabi ang mga nag-uusisa upang bigyan ako ng daan.
Kinilabutan ako sa aking nakita. Sa malapitan ay halos kalahati na lang ang salamin ng bintana sa driver seat. Basag n
