HINILA ko ang braso ko na tangay-tangay ni Matthew. Tumingin ako sa mga amo ko na nasa mukha ang pagkalito sa napapanood sa aming dalawa. Alanganin akong ngumiti kay Sir Nick para isipin nitong walang problema.
“What are you talking about?" tanong ni Matthew. "I don’t remember that I filed for any petition whatsoever. Gumagawa ka ba ng kwento para tulungan ka ng amo mo?”
“Hindi ako nag-iimbento ng kwento, Attorney. Katunayan ay hawak ko ang petition na ipinadala sa akin ng korte at malinaw na nakasulat doon ang pangalan ng asawa ko." May diin sa huling dalawang salitang sinabi ko.
He shook his head firmly. “I don’t understand. Paano ko gagawing mag-file ng petition para ipawalang-bisa ang kasal sa’yo kung nandito nga ako para bawiin ka?”
Sandali akong natigilan sa sinabi niya. Hindi m
