Hindi namalayan ni Kan na nakaidlip pala siya sa sofa. Pagdilat niya ay nakita niya si Nicolas na nakatayo malapit sa bintana. Parang katatapos lang nitong makipag-usap sa kung sino man sa cellphone nito dahil umiilaw pa iyon nang isuksok nito iyon sa bulsa. Inisip agad ni Kan na baka si Baby Nicole iyon.
Tumayo siya para lapitan ang kaniyang asawa. Pero bigla siyang natapilok.
"Ouch!" igik ni Kan nang maramdaman niya ang kirot sa kaniyang ankle.
Noon naman napalingon sa kaniya si Nicolas. "Kan!" Mabuti na lang at mabilis itong napasugod sa kaniya para alalayan siya. Kung hindi ay bumagsak sana siya. "What happened?" may pag-aalala na tanong nito sa kaniya nang hawakan siya baywang bago inalalayan paupo sa sofa.
"Natapilok ako," napapapangiwi na sagot niya.
Agad namang lumuhod ito s
