"Oh, my... Nicolas?! What are you doing here in Finland?"
Lihim na napaismid si Kan nang makita niya ang maarteng pagbati ni Nhelyn sa asawa. May patakip-takip pa ito sa bibig at saka padilat-dilat ng mga mata. Tapos pati sa paglalakad papunta sa kanila ay napakaarte din. May pakembot-kembot at pagpilantik pa ng mga daliri.
Bruhang 'to! Kung itulak ko kaya ito sa nagyeyelong lake? Nang manigas ang makapal na mukha!
"Nhelyn?" narinig niyang sambit ng asawa niya sa pangalan ng hitad. Pero hindi naman ito mukhang na-excite. Parang nagulat lang din. Ni hindi nga nito sinalubong ang babae, eh. In fact, nakaakbay pa rin ito sa kaniya. Kahit nang makalapit na sa kanila si Nhelyn.
"Yes, Nicolas. Ako nga. Surprised?" maarte pa rin na sagot nito at hindi man lang nag-abala na tapunan s
