Nagkatinginan sina Kan at Nicolas nang makilala nila si Auntie Vilma na siyang bihag ng mga dumating na armadong kalalakihan. Nakagapos ang mga kamay nito.
"Auntie—" Kaagad na tinakpan ni Nicolas ang kaniyang bibig at mabilis siyang hinila palayo sa bintana at saka sila nagtagong dalawa.
"Ssshh... Baka magpaulan sila ng baril dito," pabulong na babala sa kaniya ni Nicolas.
"P-paano nila nakuha si Auntie Vilma?" kumakabog ang dibdib na bulong din niya sa asawa na bigla na lang siyang inakbayan at kinabig palapit dito na para bang gusto siyang protektahan.
Nag-aalala rin na napahugot nang malalim na hininga si Nicolas. Pero kalmado pa rin ito na humarap sa kaniya. "Hindi ko rin alam. Pero ang sabi nga nila ni Papa, malawak ang connection na sakop ni Junfeng. Baka may mga galamay siya sa
