Hindi alam ni Kan kung paano sila nakarating ni Nicolas sa loob ng kuwarto niya. Namalayan na lang niya nang marinig niya ang malakas na kalabog ng pinto nang itulak iyon ng paa nito pasara habang kalong siya.
Siya naman ay nakakawit ang mga braso sa batok nito at nakayapos sa baywang nito ang kaniyang mga binti. Ang kanilang mga labi ay patuloy na magkahinang at mainit silang nagpapalitan ng halik. At nang isandal siya ng asawa sa pinakamalapit na pader ay napadaing siya at mas naging mapusok pa sa pagtugon dito. Ramdam niya ang gigil nito a bawat paggagad ng mga labi nito sa mga labi niya.
Nang maghiwalay ang mga labi nila para sumagap ng hangin ay saka lang siya tila natauhan at balak na sana niyang bumaba mula sa pagkakabuhat ni Nicolas. Ngunit mas lalo pa nitong hinigpitan ang pa
