Kahit sinadya na ni Kan na tagalan ang pananatili sa loob ng banyo ay hindi pa rin bumabalik si Reese nang lumabas siya. Hindi pa rin tuloy siya nakaiwas kay Nicolas na naabutan niya sa sala na may kausap sa cellphone. Nakabihis na ito. At kahit simpleng cargo shorts at white T-shirt lang ang suot, para pa rin itong modelo.
Nakatalikod ito sa kaniya kaya nagkaroon siya ng pagkakataon para pagpiyestahan ng kaniyang mga mata ang matikas nitong pangangatawan. Bigla na lang niyang naalala ang gabing hindi niya napigilan na ipagkaloob dito ang kaniyang sarili sa kabila ng kalasingan nito...
Nakatulog siya sa paghihintay kay Nicolas. Nagising na lang siya nang makalanghap siya ng hininga na amoy-alak pero mabango pa rin. Pero ang lubos na nagpagising sa diwa ni Kan ay nang mapagtanto niya na
