Pakiramdam ni Kan ay para siyang nanigas sa kinatatayuan nang makitang naglakad papunta sa kinaroroonan niya ang Lolo't Lola ni Nicolas. Hindi naman siya natatakot na baka maliitin siya ng mga ito. Kaya niyang ipagtanggol ang sarili sa bagay na iyon. Ang ikinakatakot ni Kan ay hindi niya alam kung ano ang isasagot kapag tinanong ng mga ito kung sino siya. Kung tama ba ang ipakilala niya agad ang sarili sa mga ito na asawa siya ni Nicolas.
"M-mababait ba sila?" hindi niya napigilan na tanong sa kasambahay habang hinihintay niyang makalapit sa kanila ang dalawang matanda.
"Si Don Henry po talagang sobrang bait niyan. Wala talagang kagulo-gulo kasama," pabulong na sagot nito. "Mabait din naman si Ma'am Ichika kahit po may pagka-istrikta talaga siya at matapobre nang kaunti, lalo na sa mga
