Hindi mawala-wala ang matamis na ngiti sa mga labi ni Kan habang nagsesepilyo siya. Hanggang ngayon ay paulit-ulit pa ring bumabalik sa isip niya ang nangyari sa kanila ni Nicolas noong nagdaang gabi. Hindi niya maipaliwanag ang nararamdaman. Basta namamalayan na lang ni Kan na napapangiti siya sa tuwing sumasagi iyon sa isip niya.
Noong gabing iyon ay ilang ulit pa siyang inangkin ni Nicolas. Kaya nagising siya kanina na halos wala nang lakas. Parang hindi na nga siya makalakad pabalik ng hotel room nilang mag-ina kaya inihatid siya nito. Mabuti na lang at sa kuwarto pala ng kaniyang mga magulang natulog ang mga ito kasama si Baby Nicole. Kinuha na lang niya nang medyo makabawi siya ng lakas.
"My sunshine... Puwede ko bang laruin si baby cute?" narinig niya na tanong ng asawa. Nasa kam
