NAGKAROON ng bali ang ilong ni Ricky at namaga ang kanyang parteng gilid ng mata dahil sa dalawang suntok na tinamo niya. Tila may suot na kung ano sa kamao ang lalaking sumuntok sa kanya na naging dahilan upang mangyari iyon.
Si Ricky, nakatulala lang sa puting kisame ng ospital na hindi makapaniwala sa nangyari sa kanya. Kanina lang ay masaya siyang naglalakad dahil nanalo sila, pero ngayon, heto at may benda na ang mukha niya. May ilang tinahi rin ang doktor sa mukha niya kanina nang lapatan siya ng lunas nito.
Nararamdaman pa rin ni Ricky ang kirot ngunit hindi na ito katulad kanina. Ito'y dahil may inilagay na rin sa kanyang gamot upang mabawasan ang sakit nito. Ang sabi ng doktor ay mga ilang araw muna siya dapat sa ospital para mamonitor siya. Mabuti na lang daw at walang damage s
