INAASAHAN na rin ni Ricky na hindi pa siya makakalaro sa next game nila. Magaling na ang kanyang sugat pero iminungkahi ni Coach Erik na huwag muna siyang maglaro. Ang Filipino Academy of Scientific Trades ang makakalaban nila sa ika-lima nilang game. Ito ang 8th sa standing last CBL. Matatangkad ang mga players nito at karamihan ay nag-aaral sa kurso ng pagse-seaman.
Sa homecourt ng kalaban gaganapin ang game. Puno na rin ang loob ng hindi kalakihang covered court ng mga manonood. Karamihan ay mga estudyante ng FAST pero sa kabila noon ay may bilang pa rin ng mga taga-CISA ang naroon, lalo na ang Romero's fansclub na pinakamaingay sa loob.
Hindi pumunta ang mga kaibigan ni Ricky na sina Andrei dahil hindi raw siya maglalaro. Ngunit hindi mag-isa ang binata sa audience sa likod ng bench
