PUMILA na nang magkaharap sa gitna ang buong team ng magkalabang koponan. Ang CU Ballers laban sa CISA Flamers. Puti ang suot ng CU habang pula naman ang sa CISA. Dito ay nagkaharap-harap ang bawat isa. Lahat sila ay seryosong pinagmasdan ang kanilang katunggali.
Dati-rati'y, hindi iniisip ng CU na malakas ang CISA ngunit sa pagkakataong ito ay hindi nila dapat maliitin ang koponang ito. Hindi na ito ang team ng mga winless, ibang team na ito na posible ring maging banta sa kanilang pagka-kampeon.
Nakangiti sa bawat isa na nagkamayan ang coach ng dalawang koponan. Si Coach Erik ng CISA at Coach Wesley na isang half-American.
"Goodluck to us Coach Erik," wika ni Coach Wesley na kumislap pa ang suot na salamin sa mata matapos iyon.
"Thank you! We will do our best to beat you," ani naman
