Makalipas ang tatlong taon.
Hindi naman nahirapan sa panganganak si Carlota. Isang malusog na batang lalaki ang kanyang isinilang. Hindi maikakailang anak ito ni Solomon dahil nakuha nito ang mata ng ama na medyo abuhin at malalim kung tumingin. Pati na ang mahaba at malalantik nitong pilik mata ay nakuha din nito sa ama. Maging sa hugis ng mukha nito ay nakuha din nito. Sa kanya naman nakuha nito ang ilong at ang kanyang labi.
Masakit naman ang mag labor lalo na at tanging si Aileen lamang ang kasama niya nang gabi manganak siya. Si Tita Norma kasi dahil sa pagkataranta sa kanya, medyo tumaas ang BP kaya minabuti na lamang na magpahinga sa kanilang bahay. At matapos ang ilang minuto lamang na pagla-labor ay naisilang na nga niya ang panganay nila ni Solomon.
Sa totoo lang, nahiling
