Hindi pa rin tumigil sa pagsubok si Solomon sa paghahanap kay Carlota pero para siyang naghahanap ng isang karayom sa isang tumpok na dayami dahil kahit na konting bakas kung nasaan si Carlota ay wala man lang siyang makita. Nag-hire na rin siya ng private detective para hanapin ito pero ilang buwan na ay wala pa ring lead kung nasaan ito.
Dahil sa pagbabalik ng kanyang mga magulang, nagawa na niyang kahit papano ay ayusin ang kanyang sarili. Halos anim na buwan na rin ang nakalipas ng iwan siya ng kanyang mahal pero hindi pa rin niya magawang tanggapin ang lahat. Pinapakita niya na okey siya, na ngumingiti siya pero kapag nasa room na siya at nakahiga sa kama hindi pa rin niya maiwasan ang hindi maiyak. Minsan nakakatulugan na lamang niya ang pag-iyak. Iniwasan na rin kasi niya ang alak
