Tama nga ang hinala ni Carlota, 7 weeks na nga ang kanyang ipinagbubuntis. Sakto kung kailan huling may nangyari sa kanila ni Solomon. Hindi niya alam kung paanong nangyari iyon dahil nong gabing iyon natuklasan niya na walang kakayahang magkaanak si Solomon pero ngayong natuklasan niya na buntis siya, natitiyak niyang ito ang ama ng ipinagbubuntis niya. Gaya nang napagkasunduan, tumawag na siya sa mga magulang at ipinaalam sa mga ito kung saan siya nakatira. Nagulat pa ang kanyang Tatay ng isiwalat niyang nasa Catanduanes siya sa poder ng pinsan nito na si Tita Norma. Pero nakiusap siya sa mga ito na wag na wag sasabihin kay Solomon kung nasaan siya dahil kapag sinabi ng mga ito, aalis nanaman siya sa lugar na iyon para maghanap ng ibang lugar na mapagtataguan.
Tinanong din siya ng mga
