Dahan-dahan ang naging pagmulat ng mga mata ni Carlota, nagising siya sa mahihinang boses na tila nakatunghay sa kanya. Nag-uusap ang mga ito ng tungkol sa buntis, sa una malabo pa ang kanyang paningin hanggang sa luminaw na. Ang lola Maria nila, si Tita Norma, si Aileen, ang Tito ni Aileen na si Tiyo Rudy at ang Lolo Loreto niya ang nakatunghay sa kanya. Nakahiga pala siya sa papag na yari sa kawayan.
"Naku, mayad man ta nagmata ka na Nene. Aba eh, nag-alala kami sa iyo ng sobra. Kumusta na pag-mati mo? Mayad na ba?" tanong ni Lola Maria, medyo mahaba ang Bicol nito kaya medyo hindi niya naintindihan.
"Sabi ni Lola, mabuti naman daw at nagising ka na. Kumusta na daw ang pakiramdam mo, maayos na ba daw?" nakangiting pag-translate ni Aileen sa sinabi nito.
Napangiti ang lahat, medyo h
