"Solomon, kumusta na ang pakiramdam mo? Huminahon ka na, nasa labas na si Gabriel baka makasama sa iyo ang pamumwersa mo." Suway niya sa asawa, tsaka niyakap na niya ito at hinagkan para kumalma.
"O-Okey lang ako m-mahang ko," nahihirapang sagot nito. Inayos niya ito sa pagkakahiga pati na ang unan nito.
"Please p-paalisin mo na ang lalaking iyon. S-Sabihin mo wag nang babalik pa," wika muli nito.
"Asawa ko, bakit naman? Ano bang nagawang masama sa iyo noong tao?" kunot noong tanong niya dito.
Umiling lamang ito at iniiwas ang paningin sa kanya. Mas lalong kumunot ang noo niya dahil natitiyak niyang may itinatago sa kanya ang asawa. Hindi kaya nag-away ang dalawa nang hindi niya nalalaman.
"Basta m-mahang, m-mangako ka sa akin na iiwas ka sa k-kanya ha," wika muli nito kahit hir
