"Anong ibig sabihin nito Solomon?!" nakataas ang kilay na wika na tanong ng kanyang Mama.
"Halina kayo sa loob pumasok na muna tayo." mahinahon naman na aya ng kanyang papa sa kanila.
Tsaka inalalayan na nito ang kanyang Mama para muling pumasok sa loob ng bahay. Kapag nagsalita pa naman ang kanyang Mama walang preno kaya siguro pinilit ng kanyang Papa na papasukin ito sa loob ng bahay.
"Woi, Solomon pala name mo? Cute ah, hayaan mo na lang na isipin nila na girlfriend mo ako. Magtataka kasi sila kung basta mo na lang ako iniuwi dito. Tsaka wala ka naman asawa diba? Ang alam ko, naiwan iyong dati mong asawa sa isla. At alam ko rin na nais niyang kalimutan mo na lang siya diba?" nakangising wika nito.
Napakunot-noo siya paano nito nalaman ang lahat ng iyon samantalang ang alam niya
