Kinabukasan maaga siyang nagising dahil nasa guest room si Gideon. Hindi na ito nakauwi kagabi dahil sa lolo niya. Sana na lang at nakapagpahinga ito, alam niyang pagod din si Gideon sa pagbabantay sa kanya sa ospital na mag isa.
Naligo na siya at nagbihis ng maayos para harapin si Gideon, naglagay pa siya ng kaunting powder sa mukha para naman fresh ang mukha niyang haharap kay Gideon. Ilang beses pa nga siyang umikot-ikot sa salamin para lang matiyak na maganda at fresh siyang tignan bago lumabas ng silid.
Agad siyang nagtungo sa guest room para katukin si Gideon. Nakailang katok na siya wala pa ring sumasagot sa loob kaya naman pumasok na siya, naisip kasi niyang baka tulog pa ito.
"Gideon," tawag niya nang makasilip sa loob. Kumunot ang noo niya nang walang makitang nakahiga sa ka
